Muqdisho Luulyo 18,2022, Faafaahin dheeraad ah ayaa laga helayaa diyaaradda Jubba Airways in ay ku burburtay garoonka diyaaaradaha Aadan Cadde ee Muqdisho, xilli ay soo caga dhiganeysay Run Way-ga Garoonka.
Diyaaraddan oo ka timid Baydhabo ayaa waxay saarnaayeen rakaab gaarayay 36 qof oo dhammaantood la soo wariyey in ay ka badbaadeen shilkaas diyaaradeed, marka laga reebo 3 qof oo dhaawacyo fudud uu soo gaaray Sida aan ka soo xiganay ilo ku dhow dadkii diyaarada saarnaa.
Dad goob joogayaal ah waxey sheegeen in diyaaraddu ay shilka gashay xilli ay soo cagadhiganeysay dhabaha garoonka, waxaana ka dhashay dab xoogan oo markii dambe lagu guuleystay in la damiyo.
Muuqaallo laga duubay taleefanka gacanta, ayaa muujinaya qiic hawada isku shareeray kaas oo laga arkaayey meelo fog fog.