Xulka Spain ayaa u soo baxay wareega sedeed dhamaadka ee tartanka EURO 2024 kadib markii ay 4-1 kaga badiyeen xulka Georgia Axadii.
Xulka Georgia ayaa goolka furitaanka ku dhaliyay gool uu iska dhaliyay xiddiga reer Spain ee Robin Le Normand daqiiqadii 18-aad ee ciyaarta oo ka dhacday garoonka Cologne Stadium.
Spain ayaa daqiiqadii 39-aad dhalisay goolka bar-baraha iyaga oo uu u dhaliyay xiddiga Rodri halka Fabian Ruiz uu hogaanka u dhiibay xulkiisa daqiiqadii 51-aad.
Daqiiqadii 75-aad ee ciyaarta waxaa 3-1 ka dhigay Nico Williams.
Daqiiqadii 83-aad ee ciyaarta Dani Olmo ayaa goolkii afaraad ee Spain udhaliyay kadib markii uu kubad meel fog ka fogeeyay.
Natiijadaan, Spain waxay la ciyaari doontaa Germany wareega sideed dhamaadka July 5.
Horaantii Axadii, England ayaa u soo baxday wareega 8da ka dib markii ay 2-1 ku garaacday Slovakia waqtigii dheeriga ahaa
Saddexda libaax ayaa la ciyaari doona Switzerland, iyadoo ciyaartu dhici doonto 6-da Luulyo.